He who avoids major sins and fulfills the obligatory functions sincerely, has requisites to obtain Divine proximity.

سوره نحل/ آیه 125 تا 128

125) اُدْعُ اِلٰى سَبِيْلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْـهُـمْ بِالَّتِىْ هِىَ اَحْسَنُ ۚ اِنَّ رَبَّكَ هُوَ اَعْلَمُ بِمَنْ ضَلَّ عَنْ سَبِيْلِـهٖ ۖ وَهُوَ اَعْلَمُ بِالْمُهْتَدِيْنَ 126) وَاِنْ عَاقَـبْتُـمْ فَعَاقِبُوْا بِمِثْلِ مَا عُوْقِـبْتُـمْ بِهٖ ۖ وَلَئِنْ صَبَـرْتُـمْ لَـهُوَ خَيْـرٌ لِّلصَّابِـرِيْنَ 127) وَاصْبِـرْ وَمَا صَبْـرُكَ اِلَّا بِاللّـٰهِ ۚ وَلَا تَحْزَنْ عَلَيْـهِـمْ وَلَا تَكُ فِىْ ضَيْقٍ مِّمَّا يَمْكُـرُوْنَ 128) اِنَّ اللّـٰهَ مَعَ الَّـذِيْنَ اتَّقَوا وَّالَّـذِيْنَ هُـمْ مُّحْسِنُـوْنَ ترجمہ: 125) اپنے رب کے راستے کی طرف حکمت اور عمدہ نصیحت کے ساتھ دعوت دے اور ان سے بہترین انداز میں استدلال اور مباحثہ کر۔ تیرا پروردگار ہر شخص کے بارے میں بہتے جانتا ہے کہ کون اس کی راہ سے بھٹکا ہوا ہے اور کس نے ہدایت پائی ہے۔ 126) اور جب تم بدلا لینا چاہو تو صرف اتنی ہی سزا دو جتنی تم پر زیادتی ہوئی ہے اور اگر تم صبر کرو تو یہ صبر کرنے والوں ہی کے لیے بہتر ہے۔ 127) صبرکر، اور تیرا یہ صبر اللہ کے لیے اور اس کی توفیق سے ہوا اور ان کی حرکات پر رنجیدہ نہ ہو اور ان کی سازشوں اور چالبازیوں پر دل تنگ نہ ہو۔ 128) اللہ ان کے ساتھ ہے جو تقوٰی اختیار کرتے ہیں اور جو نیکوکار ہیں۔

ںعمتوں کے ذکر کا مقصد

ںعمتوں کے ذکر کا مقصد: یاددہانی کی ضرورت نہیں ہے کہ اس سورہ میں اور قرآن کی دیگر مختلف آیات میں نعماتِ الٰہی کا ذکر احسان جتلانے اور نام حاصل کرنے جیسے امور کے لیے نہیں ہے کیونکہ اللہ ان تمام چیزوں سے بالاتر ہے اور ہر شخص اور ہر چیز سے بے نیاز ہے۔ یہ سب کچھ تعمیری، تربیتی اور اصلاحی مقاصد کے لیے ہے وہ مقاصد کہ جو انسان کو مادی اور روحانی اعتبار سے آخری ممکن حد تک کمال و ارتقاء عطا کرنے کے لیے ہیں۔ اس امر کے لیے واضح ترین دلیل وہ جملے ہیں کہ جو گزشتہ بہت سی آیات کے آخر میں آئے ہیں یہ سب تنوع کے باوجود انسان کی نشونما اور تربیت کے بارے میں ہیں اسی سورہ کی آیہ 14 میں سمندروں کی تسخیر بیان کرنے کے بعد فرمایا گیا ہے: لعلکم تشکرون شاید کہ تم شکر کرو۔ آیت 15 میں پہاڑوں دریاؤں اور راستوں کی نعمت بیان کرنے کے بعد فرمایا گیا ہے: لعلکم تھتدون شاید کہ تم ہدایت پا جاؤ آیت 44 میں عظیم ترین روحانی نعمت یعنی آیاتِ قرآن کے نزول کا ذکر کرنے کے بعد فرمایا گیا ہے: ولعلھم یتفکرون اور شاید کہ وہ غوروفکر کریں۔ آیت 78 میں بہت اہم نعمت۔۔۔۔۔۔۔۔۔۔۔۔۔ شناخت و معرفت کے وسائل (کان، آنکھ اور عقل) کا ذکر کرنے کے بعد ارشاد فرمایا گیا ہے: لعلکم تشکرون شاید کہ تم شکر کرو۔ آیت 81 میں پروردگار کی نعمتوں کی تکمیل کی طرف اشارہ کرنے کے بعد قرآن کہتا ہے: لعلکم تسلمون شاید کہ تم سر تسلیم خم کرو۔ آیت 90 میں عدل و احسان کو اختیار کرنے، فحشاء، منکر اور حکم کے خلاف جنگ کرنے کے احکام کے بعد فرمایا گیا ہے: لعلکم تذکرون شاید کہ تم تذکر حاصل کرو اور توجہ دو۔ درحقیقت ان چھ مواقع پر پانچ مقاصد کی طرف اشارہ ہوا ہے۔ 1. تشکر 2. ہدایت 3. تفکر 4. دعوتِ حق پر سر تسلیم خم کرنا 5. تذکرو یاد آوری یہ سب امور ایک دوسرے سے مربوط ہیں۔ انسان سب سے پہلے غوروفکر اور سوچ بچار کرتا ہے جب بھول جائے تو اسے یاد دلایا جاتا ہے اس کے بعد اس میں نعمت عطا کرنے والے کے لیے احساسِ تشکر بیدار ہوتا ہے اور وہ اس کے راستے کی ہدایت پاتا ہے اور آخر کار اس کے حکم کے سامنے سر تسلیم خم کرتا ہے۔ گویا پانچ مقاصد انسانی کمال کی زنجیر کی کڑیاں ہیں بلاشبہ اگر یہ راستہ صحیح طور پر طے کر لیا جائے تو اس کے خاطر خواہ نتائج نکلتے ہیں اور شک کی گنجائش باقی نہیں رہتی کہ ان نعمتوں کے اجتماعی یا انفرادی صورت میں تذکرے کا مقصد کمال کے سوا اور کچھ نہیں۔ ---------------------- پروردگار ! تیری بے پایاں نعمتیں ہمارے سارے وجود پر محیط ہیں۔۔۔۔۔۔۔۔۔۔۔۔ ہم تیری نعمتوں میں مستغرق لیکن ابھی ہم نے تجھے پہچانا نہیں۔ بارِ الٰہا ! ہمیں ایسا ادراک اور ایسی نگاہ عطا فرما کہ جو تیرے مشق کے راستوں کو ہمارے لیے واضح کردے۔ اور ایسی توفیق بخش کہ جو تیرے عشق ے راستے پیچ و خم میں ہماری مددگار ہو۔ اور ہمیں شکر گذاروں کی منزلِ مقصود تک پہنچا دے۔ خداوندا ! تو ہماری احتیاج و نیاز کو ہر کسی سے بہتر جانتا ہے اور ہمارے ذاتی تقاضوں کو خود ہم سے بہتر پہچانتا ہے۔ ہمیں توفیق دے کہ ہم ایسے ہو جائیں جیسا تو چاہتا ہے اور ہمیں توفیق دے کہ ہم اس سے بہتر ہو جائیں کہ جو لوگ ہمارے متعلق سوچتے ہیں۔ معبودا ! اس وقت تری عظیم آسمانی کتاب کا یہ حصہ ختم ہو رہا ہے۔ ماہِ شعبان کا آخر ہے اور ہم تیری رحمت کے مہینہ رمضان المبارک کے آستانے پر آ پہنچے ہیں۔ اپنی خاص رحمت ہمارے شاملِ حال فرما اور ہمیں توفیق عطا فرما کہ ہم اس تفسیر کو پایہ تکمیل تک پہنچا سکیں۔ انک سمیع مجیب سورہٓ نحل کا اختتام ---------------- تفسیر نمونہ گیارہویں جلد کا اختتام آخر شعبان (۱۴۰۱) ہجری --------------------- ---------------------

نعمتوں کی سورت۔۔۔۔۔۔۔۔۔۔۔۔۔۔۔۔۔۔۔۔۔ سورہٓ نحل

نعمتوں کی سورت۔۔۔۔۔۔۔۔۔۔۔۔۔۔۔۔۔۔۔۔۔ سورہٓ نحل کے بارے میں آخری بات جیسا کہ ہم نے اس سورہ کی ابتداء میں کہا ہے اس سورہ میں جو چیز سب سے زیادہ اپنی طرف متوجہ کرتی ہے وہ خدا کی گوناگوں نعمات ہیں چاہے وہ مادی ہوں یا روحانی، ظاہری ہو یا باطنی اور انفرادی ہوں یا اجتماعی۔ اس سورہ کو جو نعمتوں کی سورت کہا جاتا ہے تو وہ اسی لحاظ سے ہے۔ اس سورہ کی آیات کے مطالعے اور تحقیق سے ظٖاہر ہوتا ہے کہ اس میں تقریباً چالیش چھوٹی بڑی مادی اور روحانی نعمتوں کا ذکر ہے ہم انھیں ذیل میں فہرست وار پیش کرتے ہیں۔ اور ہم تاکید کرتے ہیں کہ ان کا مقصد پہلے توحید اور عظمتِ خالق کی تعلیم ہے اور اس کے بعد ان نعمتوں کے خالق سے انسان کے میلان کو تقویت پہنچانا ہے اور احساسِ تشکر کو ابھارنا ہے۔ 1. تخلیقِ فلک (خلق السمٰوٰت)۔ 2. خلقتِ زمین (والارض)۔ 3. چوپایوں کی پیدائش (والانعام خلقھا)۔ 4. ان کی اُون اور چمڑے کے ذریعے لباس کی تیاری (لکم فیھا دف)۔ 5. جانوروں کے دیگر فائدے ( ومنافع)۔ 6. جانورون کے گوشت سے استفادہ (ومنھا تأکلون)۔ 7. استقلالِ اقتصادی کے حسن سے فائدہ اٹھانا (ولکم فیھا جمال)۔ 8. نقل و حمل کے لیے جانوروں سے کام لینا (وتحمل اثقالکم۔۔۔۔۔۔۔۔ والخیل والبغال والحمیر لترکبوھا)۔ 9. صراطِ مستقیم کی ہدایت (وعلی اللہ قصد السبیل)۔ 10. آسمان سے بارش کا نزول اور اس سے پینے کی دستیابی (وھم الذی انزل من السماء ماء لکم منہ شراب)۔ 11. اس سے چراگاہوں کی نشونما (ومنہ شجر فیہ تسیمون)۔ 12. اس سے فصلوں، زیتون، کھجور، انگور اور طرح طرح کے پھلوں کا اگنا (ینبت لکم بہ الزرع والزیتون والنخیل والاعناب ومن کل الثمرات)۔ 13. رات اور دن کا مسخر ہونا (وسخر لکم اللیل والنھار)۔ 14. سورج اور چاند کی تسخیر (والشمس والقمر)۔ 15. ستاروں کی تسخیر (والنجوم)۔ 16. گوناگوں مخلوق کہ جو زمین میں پیدا کی گئی ہے (وما ذرألکم فی الارض مختلفاً الوافہ)۔ 17. سمندروں میں موجود جانوروں کے گوشت اور جواہرات سے استفادہ کے لیے سمندروں کی تسخیر (وھوالذی سخر البحر لتأکلوا منہ لحماً طریاً وتستخرجوا منہ حلیۃ تلبسونھا)۔ 18. سینہٓ آب پر کشتیوں کا چلنا (وتری الملک مواخر فیہ)۔ 19. پہاڑوں کا پیدا کرنا کہ جو زمین کو ٹھہرائے ہوئے ہیں (والقی فی الارض رواسی ان تعید بکم)۔ 20. دریاؤں اور نہروں کا پیدا کرنا (والنھارًا)۔ 21. آپس میں مربوط راستے پیدا کرنا (وسبیلاً)۔ 22. راستے پہچاننے کے لیے علامات پیدا کرنا (وعلامات)۔ 23. رات کے وقت راستہ پہچاننے کے لیے ستاروں سے استفادہ کرنا (وبالنجم ھم یھتدون)۔ 24. آبِ باراں کے ذریعے مردہ زمینوں کو زندہ کرنا (واللہ انزل من السماء ماء فاحیابہ الارض بعد موتھا)۔ 25. خالص اور عمدہ دودھ پیدا کرنا کہ جو خون اور ہضم شدہ غذا کے درمیان میں سے نکلتا ہے (نقیکم معا فی بطونہ من بین فرث و دم لبناً خالصاً سائغاً للثارمین)۔ 26. کھجور اور انگور سے حاصل شدہ چیزیں (ومن ثمرات النخیل والاعناب تتخذون منہ سکراً ورزقاً حسناً)۔ 27. شہد کہ جو شفا بخش غذا ہے (فیہ شفاءللناس)۔ 28. انسان کے لیے اس کی اپنی نوع میں سے ہمسر اور شریک حیات پیدا کرنا (واللہ جعل لکم من انفسکم ازواجاً)۔ 29. اولاد جیسی نعمت (وجعل لکم من ازواجکم بنین و حجدۃ)۔ 30. طرح طرح کا پاکیزہ رزق۔۔۔۔۔۔۔۔۔۔ وسیع مفہوم کے اعتبار سے (ورزقکم من الطیبات)۔ 31. سماعت کی نعمت (وجعل لکم السمع)۔ 32. آنکھوں کی نعمت (والابصار)۔ 33. عقل و ہوش کی نعمت (والفئدۃ)۔ 34. ٹھہرے ہوئے مسکن اور گھر (واللہ جعل لکم من بیوتکم سکناً)۔ 35. چلتے پھرتے گھر (خیمے)۔ (وجعل لکم من جلود النعام بیوتاً)۔ 36. اسبابِ زندگی کہ جو اُون، کھال اور جانوروں کے بالوں سے بنائے جاتے ہیں (ومن اصوافھا و اوجارھا واشعارھا اثاثاً متاعاً الٰی حین)۔ 37. سائے کی نعمت (واللہ جعل لکم مما خلق ظلالاً)۔ 38. پہاڑوں میں قابلِ اطمینان پناہ گاہوں کی نعمت (وجعل لکم من الجبال اکناناً)۔ 39. طرح طرح کے لباس جو انسان کو سردی اور گرمی سے بچاتے ہیں (وجعل لکم سرابیل تقیکم الحر)۔ 40. زرہ اور لباسِ جنگ جو دشمن کی ضربوں سے بچاتا ہے (ورابیل تقیکم بأسکم)۔ اور نعمتوں کے اس سلسلے مین مزید فرمایا گیا ہے: کذٰلک یتم نعمتہ علیکم لعلکم تسلمون اس طرح سے اللہ اپنی نعمتیں تم پر تمام کرتا ہے تا کہ تم اس کے حکم پر سر تسلیم خم کرو۔ ںعمتوں کے ذکر کا مقصد: یاددہانی کی ضرورت نہیں ہے کہ اس سورہ میں اور قرآن کی دیگر مختلف آیات میں نعماتِ الٰہی کا ذکر احسان جتلانے اور نام حاصل کرنے جیسے امور کے لیے نہیں ہے کیونکہ اللہ ان تمام چیزوں سے بالاتر ہے اور ہر شخص اور ہر چیز سے بے نیاز ہے۔ یہ سب کچھ تعمیری، تربیتی اور اصلاحی مقاصد کے لیے ہے وہ مقاصد کہ جو انسان کو مادی اور روحانی اعتبار سے آخری ممکن حد تک کمال و ارتقاء عطا کرنے کے لیے ہیں۔ اس امر کے لیے واضح ترین دلیل وہ جملے ہیں کہ جو گزشتہ بہت سی آیات کے آخر میں آئے ہیں یہ سب تنوع کے باوجود انسان کی نشونما اور تربیت کے بارے میں ہیں اسی سورہ کی آیہ 14 میں سمندروں کی تسخیر بیان کرنے کے بعد فرمایا گیا ہے: لعلکم تشکرون شاید کہ تم شکر کرو۔ آیت 15 میں پہاڑوں دریاؤں اور راستوں کی نعمت بیان کرنے کے بعد فرمایا گیا ہے: لعلکم تھتدون شاید کہ تم ہدایت پا جاؤ آیت 44 میں عظیم ترین روحانی نعمت یعنی آیاتِ قرآن کے نزول کا ذکر کرنے کے بعد فرمایا گیا ہے: ولعلھم یتفکرون اور شاید کہ وہ غوروفکر کریں۔ آیت 78 میں بہت اہم نعمت۔۔۔۔۔۔۔۔۔۔۔۔۔ شناخت و معرفت کے وسائل (کان، آنکھ اور عقل) کا ذکر کرنے کے بعد ارشاد فرمایا گیا ہے: لعلکم تشکرون شاید کہ تم شکر کرو۔ آیت 81 میں پروردگار کی نعمتوں کی تکمیل کی طرف اشارہ کرنے کے بعد قرآن کہتا ہے: لعلکم تسلمون شاید کہ تم سر تسلیم خم کرو۔ آیت 90 میں عدل و احسان کو اختیار کرنے، فحشاء، منکر اور حکم کے خلاف جنگ کرنے کے احکام کے بعد فرمایا گیا ہے: لعلکم تذکرون شاید کہ تم تذکر حاصل کرو اور توجہ دو۔ درحقیقت ان چھ مواقع پر پانچ مقاصد کی طرف اشارہ ہوا ہے۔ 1. تشکر 2. ہدایت 3. تفکر 4. دعوتِ حق پر سر تسلیم خم کرنا 5. تذکرو یاد آوری یہ سب امور ایک دوسرے سے مربوط ہیں۔ انسان سب سے پہلے غوروفکر اور سوچ بچار کرتا ہے جب بھول جائے تو اسے یاد دلایا جاتا ہے اس کے بعد اس میں نعمت عطا کرنے والے کے لیے احساسِ تشکر بیدار ہوتا ہے اور وہ اس کے راستے کی ہدایت پاتا ہے اور آخر کار اس کے حکم کے سامنے سر تسلیم خم کرتا ہے۔ گویا پانچ مقاصد انسانی کمال کی زنجیر کی کڑیاں ہیں بلاشبہ اگر یہ راستہ صحیح طور پر طے کر لیا جائے تو اس کے خاطر خواہ نتائج نکلتے ہیں اور شک کی گنجائش باقی نہیں رہتی کہ ان نعمتوں کے اجتماعی یا انفرادی صورت میں تذکرے کا مقصد کمال کے سوا اور کچھ نہیں۔ ---------------------- پروردگار ! تیری بے پایاں نعمتیں ہمارے سارے وجود پر محیط ہیں۔۔۔۔۔۔۔۔۔۔۔۔ ہم تیری نعمتوں میں مستغرق لیکن ابھی ہم نے تجھے پہچانا نہیں۔ بارِ الٰہا ! ہمیں ایسا ادراک اور ایسی نگاہ عطا فرما کہ جو تیرے مشق کے راستوں کو ہمارے لیے واضح کردے۔ اور ایسی توفیق بخش کہ جو تیرے عشق ے راستے پیچ و خم میں ہماری مددگار ہو۔ اور ہمیں شکر گذاروں کی منزلِ مقصود تک پہنچا دے۔ خداوندا ! تو ہماری احتیاج و نیاز کو ہر کسی سے بہتر جانتا ہے اور ہمارے ذاتی تقاضوں کو خود ہم سے بہتر پہچانتا ہے۔ ہمیں توفیق دے کہ ہم ایسے ہو جائیں جیسا تو چاہتا ہے اور ہمیں توفیق دے کہ ہم اس سے بہتر ہو جائیں کہ جو لوگ ہمارے متعلق سوچتے ہیں۔ معبودا ! اس وقت تری عظیم آسمانی کتاب کا یہ حصہ ختم ہو رہا ہے۔ ماہِ شعبان کا آخر ہے اور ہم تیری رحمت کے مہینہ رمضان المبارک کے آستانے پر آ پہنچے ہیں۔ اپنی خاص رحمت ہمارے شاملِ حال فرما اور ہمیں توفیق عطا فرما کہ ہم اس تفسیر کو پایہ تکمیل تک پہنچا سکیں۔ انک سمیع مجیب سورہٓ نحل کا اختتام ---------------- تفسیر نمونہ گیارہویں جلد کا اختتام آخر شعبان (۱۴۰۱) ہجری --------------------- ---------------------

مخالفین کے مقابلے میں دس اہم اخلاقی احکام

تفسیر: مخالفین کے مقابلے میں دس اہم اخلاقی احکام: اس سورہ میں مختلف آیات مشرکوں، یہودیوں اور کلی طور پر تمام مخالف گروہوں کے بارے میں ہیں یہ گفتگو کبھی نرم انداز سے ہے اور کبھی تندوتیز لہجے میں۔ خصوصاً زیر نظر آخری آیات میں اس سلسلے میں زیادہ گہرائی اور شدت ہے۔ یہ سورہٓ نحل کی آخری آیات ہیں ان میں اہم اخلاقی احکام ہیں ان میں منطقی اور استدلالی گفتگو اور طرز بحث اختیار کرنے کا حکم ہے مخالفین کو سزا دینے اور معاف کرنے کے بارے میں حکم ہے اور ان کی سازشوں کے مقابلے کی کیفیت اور طریقہ بیان کیا گیا ہے۔ ان احکام سے ایک ہمہ گیر قانون کے طور پر ہر زمانے میں ہر مقام پر استفادہ کیا جاسکتا ہے۔ یہاں ساری گفتگو دس اصولوں پر محیط ہے۔ ترتیب کچھ یوں ہے: 1) پہلے فرمایا گیا ہے: اپنے رب کے راستے کی طرف حکمت سے دعوت دے (اُدْعُ اِلٰى سَبِيْلِ رَبِّكَ بِالْحِكْمَةِ)۔ ’’حکمت‘‘ علم و دانش اور منطق و استدلال کے معنی میں ہے۔ اصل میں یہ لفظ منع کرنےکے معنی میں ہے اور علم و دانش اور منطق و استدلال چونکہ فتنہ وفساد اور انحراف سے مانع ہیں لہذا انھیں حکمت کہا جاتا ہے بہر حال راہِ حق کی طرف دعوت دینے کے لیے پہلا قدم یہ ہے کہ صحیح منطق اور بچھے تلے استدلال سے کام لیا جائے۔۔۔۔۔۔۔۔۔۔۔۔۔۔۔۔۔۔۔۔۔ دوسرے لفظوں میں لوگوں کی فکرونظر کو دعوت دی جائے اور ان کی سوچ بچار کی صلاحیت کو ابھارا جائے اور عقلِ خوابیدہ کو بیدار کیا جائے۔ 2) نیز یہ دعوت عمدہ نصیحت کے ساتھ ہو (وَالْمَوْعِظَةِ الْحَسَنَةِ) راہِ خدا کی طرف دعوت کا یہ دوسرا اصول ہے۔ یہ درحقیقت انسانی جذبات اور فطری احساسات سے استفادہ کرنے کا انداز ہے کیونکہ وعظ و نصیحت دراصل جذب و احساس کو ابھارنے کے لیے ہوتی ہے۔ زیادہ تر عوام کو جذبات و احساسات کو ابھار کر حق کی طرف متوجہ کیا جاسکتا ہے۔ در حقیقت۔۔۔۔۔۔۔۔۔۔۔۔۔۔۔۔۔ حکمت انسان کے عقلی پہلو سے مربوط ہے اور ’’وَالْمَوْعِظَةِ الْحَسَنَةِ‘‘انسانی جذب و احساس سے کام لینے کے لیے ہے۔۱؎ نیز ’’موعظۃ‘‘ کے ساتھ ’’حسنۃ‘‘ کی شرط شاید اس طرف اشارہ ہے کہ وعظ و نصیحت ----------------------------------------------------- ۱؎ بعض مفسری نے ’’حکمہ‘‘، ’’وَالْمَوْعِظَةِ الْحَسَنَةِ‘‘ اور ’’مجادلہ احسن‘‘ کے درمیان فرق کے بارے میں کہا ہے کہ ’’حمکۃ‘‘قطعی اور یقینی دلائل کی طرف اشارہ ہے ’’وَالْمَوْعِظَةِ الْحَسَنَةِ‘‘ ظنی دلائل کو کہتے ہیں اور ’’مجادلہ احسن‘‘ ایسے دلائل سے استفادہ کرنا ہے کہ جو مخالفین کے ہاں قابلِ قبول ہوں (البتہ جو کچھ ہم نے سطور بالا میں کہا ہے وہ زیادہ مناسب معلوم ہوتا ہے)۔ ----------------------------------------------------- اس صورت میں مؤثر ہوتی ہے کہ جب اس میں کسی قسم کی سختی، بڑائی، دوسرے کی تحقیر و تذلیل اور اس کی ہٹ دھرمی کی انگیخت وغیرہ نہ ہو۔ بہت سے لوگوں کے وعظ و نصیحت کا الٹا اثر نکلتا ہے کیونکہ اس میں دوسرے کی تحقیر و تذلیل بائی جاتی ہے یا اس میں وعظ و نصیحت کرنے والے کی بڑائی کا پہلو ہوتا ہے لہذا ’’موعظۃ‘‘ بھی مؤثر ہوتا ہے جب ’’حسنۃ‘‘ ۔۔۔۔۔۔۔۔۔۔۔۔۔۔۔۔۔ اچھا اور عمدہ ہو۔ 3) اور مخالفین سے زیادہ اچھے طریقے سے مباحثہ کر(وَجَادِلْـهُـمْ بِالَّتِىْ هِىَ اَحْسَنُ)۔ یہ تیسرا قدم ان لوگوں کے ساتھ مخصوص ہے کہ جب کے ذہن میں پہلے سے غلط مسائل اور نظریات سمائے ہوئے ہوں۔ مناظرے اور مباحثے کے ذریعے ان کا ذہن ان کے نظریات سے پاک کرنا چاہیے تا کہ وہ حق قبول کرنے کے قابل ہو سکیں۔ واضح ہے کہ مجادلہ اور مباحثہ بھی تبھی مؤثر ہوتا جب وہ ’’بِالَّتِىْ هِىَ اَحْسَنُ‘‘ ہو۔ جب وہ حق، عدالت، درستی، امانت اور صداقت کے ساتھ ہو جب اس میں کسی قسم کی تحقیر، توہین، غلط بیانی اور تکبر نہ ہو۔۔۔۔۔۔۔۔۔۔۔۔۔۔۔۔۔ مختصر یہ کہ اس میں تمام انسانی اقدار کا احترام ملحوظ رکھا گیا ہے۔ زیر نظر آیت کے آخر میں مزید فرمایا گیا ہے: تیرا رب ہر کسی سے بہتر جانتا ہے کہ کون لوگ اس کی راہ میں جھک گئے ہیں اور کن لوگوں نے ہدایت پائی ہے (اِنَّ رَبَّكَ هُوَ اَعْلَمُ بِمَنْ ضَلَّ عَنْ سَبِيْلِـهٖ ۖ وَهُوَ اَعْلَمُ بِالْمُهْتَدِيْنَ)۔ یہ اس طرف اشارہ ہے کہ تمھاری ذمہ داری مذکورہ تین طریقوں کے مطابق حق کی طرف دینا ہے۔ باقی رہا یہ امر کہ کون لوگ ہدایت پاتے ہیں اور کون لوگ گمراہی پر ڈٹے رہتے ہیں۔۔۔۔۔۔۔۔۔۔۔۔۔۔۔۔۔۔ انھیں خدا جانتا ہے اور بس۔ یہ احتمال بھی ہے کہ اس جملے میں مذکورہ بالا تین احکام کی دلیل بیان کی گئی ہو۔ یعنی اللہ نے مسخرفین اور کج رو افراد کے بارے میں یہ جو تین حکم دیئے ہیں اس کی وجہ یہ ہے کہ وہ جانتا ہے گمراہوں کے لیے کون سی بات مؤثر ہے اور ہدایت کے لیے کون سا ذریعہ مناسب ہے۔ 4) اب تک تو اس بارے میں گفتگو تھی کہ مخالفین سے منطق، جذب و احساس اور معقول مباحثے کا طرزِ عمل اختیار کیا جائے لیکن معاملہ اگر اس سے بڑھ کر جھگڑے تک جا پہنچے اور مخالفین دستِ تجاوز دراز کریں اور انھیں سزا دینے کی نوبت آجائے تو پھر انھیں اتنی سزا دو جتنی انھوں نے زیادتی کی ہے اس سے زیادہ نہیں (وَاِنْ عَاقَـبْتُـمْ فَعَاقِبُوْا بِمِثْلِ مَا عُوْقِـبْتُـمْ بِهٖ) 5) لیکن اگر صبر اختیار کرو اور عفو درگزر سے کام لو تو صبر کرنے والوں کے لیے یہ ہی بہتر طرزِ عمل ہے۔ (وَلَئِنْ صَبَـرْتُـمْ لَـهُوَ خَيْـرٌ لِّلصَّابِـرِيْنَ) بعض روایات میں ہے کہ یہ آیت جنگِ اُحد کے دوران میں اس وقت نازل ہوئی جب رسول اللہ ﷺ نے اپنے چچا حضرت حمزہ بن عبد المطلب رضی اللہ عنہ کی شہادت کی درد ناک کیفیت دیکھی۔ دشمن نے انھیں شہید کرنے پر بس نہیں کی تھی بلکہ ان کا سینہ اور پہلو بڑی بے دردی سے چیرے گئے ان کا جگر یا دل نکال لیا گیا ان کے کان اور ناک کاٹے گئے۔ یہ منظر دیکھ کر رسول اللہ ﷺ بہت دُکھی ہوئے اور فرمایا: اللھم لک الحمد و الیک المشتکی وانت المستعان علی ما اری خدایا: حمد تیرے لیے ہے اور تیری ہی بارگاہ میں شکایت پیش کرتا ہوں اور جو کچھ میں دیکھ رہا ہوں اس پر توہی میرا مدد گار ہے۔ اس کے بعد آپ ﷺ نے فرمایا: لئن ظفرت لا مثلن ولا مثلن ولا مثلن اگر میں ان پر فتحیاب ہوگیا تو ان کا مثلہ کروںگا۔ ان کا مثلہ کرونگا۔ ان کا مثلہ کرونگا۔ ایک اور روایت کے مطابق آپ ﷺ نے فرمایا: ان کے ستر آدمیوں کا مثلہ کروںگا۔۱؎ اس وقت یہ آیت نازل ہوئی: وَاِنْ عَاقَـبْتُـمْ فَعَاقِبُوْا بِمِثْلِ مَا عُوْقِـبْتُـمْ بِهٖ ۖ وَلَئِنْ صَبَـرْتُـمْ لَـهُوَ خَيْـرٌ لِّلصَّابِـرِيْنَ رسول اللہ ﷺ نے فوراً عرض کیا: اصبر! اصبر ! خدایا؛ میں صبر کرونگا، میں صبر کروںگا۔۲؎ شاید رسول اللہ ﷺ کی زندگی میں یہ لمحہ کرب ناک ترین تھا لیکن پھر بھی آپ ﷺ کو اپنے اعصاب پر پورا کنٹرول تھا آپ ﷺ نے عفو و درگزر کا راستہ اختیار کیا۔ فتح مکہ کے واقعہ میں ہے کہ جس دن آپ ان سنگدلوں پر فتح یاب ہوئے تو عام معافی کا حکم صادر فرمایا اور جنگِ اُحد کے موقع پر اللہ سے کیا ہوا اپنا وعدہ پورا کر دکھایا اور سچی بات یہ ہے کہ اگر کوئی شخص عالی ظرفی انسانی جذبوں کا بہترین نمونہ دیکھنا چاہے تو واقعہ اُحد کو فتح مکہ کے واقعے کے ساتھ رکھ کر دیکھے اور ان دونوں کا آپس میں موازنہ کرے۔ شاید آج تک کسی کامیاب قوم نے کسی شکست خوردہ قوم کے ساتھ یہ سلوک نہ کیا ہو کہ جو رسول اللہ ﷺ اور مسلمانوں نے کامیابی کے بعد مشرکین مکہ سے کیا وہ بھی ایسے ماحول میں کہ جہاں انتقام کے جذبے لوگوں کے رگ و پے میں اترے ہوئے تھے اور نسل در نسل ان میں بغض و کینہ کے سلسلے میراث کے طور پر چلتے رہتے تھے اس معاشرے میں انتقام نہ لینا ایک بہت بڑا عیب سمجھا جاتاتھا۔ اس ؑالی ظرفی، عظمتِ کردار اور عفوو درگزر کا نتیجہ یہ نکلا کہ وہ جاہل اور ہٹ دھرم بہت متاثر ہوئی اور ان کی آنکھیں کھل گئیں۔ یہاں تک کہ قرآن کے مطابق۔ -------------------------------------------------- ۱؎ بعض روایات میں ہے کہ یہ جملہ بعض مسلمانوں نے کہا تھا کہ اگر ہم کامیاب ہوگئے تو اس سے زیادہ تعداد میں مثلہ کریں گے (تفسیر تبیان جلد ۶ ص ۴۴) ۲؎ تفسیر عیاشی اور تفسیر درالنثور، زیر آیت کے ذیل میں (جیسا کہ تفسیر المیزان میں نقل کیا گیا ہے) -------------------------------------------------- یدخلون فی دین اللہ افواجاً وہ لوگ فوج در فوج دینِ خدا میں داخل ہوگئے۔ 6) اگر عفوودرگزر اور صبر و شکیبائی کسی توقع کے بغیر ہو تو یقینی طور پر اثر ہوتی ہے۔۔۔۔۔۔۔۔۔۔۔۔۔۔۔۔۔۔۔۔ یعنی صرف اللہ کی خاطر ہو۔۔۔۔۔۔۔۔۔۔۔۔۔۔ لہذا قرآن مزید کہتا ہے: صبر اختیار کر اور تیرا یہ صبر صرف اللہ کے لیے ہو اور یہ اس کی توفیق کے بغیرنہیں ہوسکتا (وَاصْبِـرْ وَمَا صَبْـرُكَ اِلَّا بِاللّـٰهِ)۔ کیا یہ انسان کے بس میں ہے کہ وہ ایسے جاں سوز مواقع پر قوتِ الٰہی اور روھانی جذبے کے بغیر صبر کرے جو اس مناظر کا سامنا کرے اور صبر کا دامن بھی ہاتھ سے نہ چھوڑے۔ جی ہاں! یہ صرف اسی صورت میں ممکن ہے کہ یہ سب کچھ خدا کے لیے ہو اور اس کی توفیق سے ہو۔ 7) تبلیغ اور دعوت الی اللہ کے راستے میں یہ تمام زحمات اٹھانے، عفوودرگزر کرنے اور صبر اختیار کرنے کے باوجود کوئی نتیجہ نہ نکلے تو بھی مایوس اور بد دل نہیں ہونا چاہیے بلکہ جتنا زیادہ ممک ہو سکے حوصلے کے ساتھ ٹھنڈے دل سے تبلیغ کا سلسلہ جاری و ساری رکھنا چاہیے۔ اسی لیے تو ساتواں حکم یہ دیا گیا ہے: ان کی حالت پر کبیدہ خاطر نہ ہو (وَلَا تَحْزَنْ عَلَيْـهِـمْ و) یہ حزن و ملال کہ یقیناً ان کے ایمان نہ لانے کی وجہ سے ہے۔ ہو سکتا اس سے دو میں سے ایک تنیجہ پیدا ہو۔ یا تو انسان ہمیشہ کے لیے بد دل ہو جائے یا وہ بے حوصلگی اور بے تابی کا اظہار کرے۔ لہذا حزن و ملال کی نہی درحقیقت دونوں کی نہی ہے۔ یعنی راہِ حق کی دعوت دیتے ہوئے نہ بیتاب و مضطرب ہونا چاہیے اور نہ ہی مایوس و ناامید۔ 8) ان تمام اوصاف کے باوجود ہو سکتا ہے ہٹ دھرم دشمن سازش کا راستہ اپنائے اور خطرناک منصوبے بنائے تو ان حالات میں صحیح مؤقف وہی ہے کہ جو قرآن کہتا ہے: ان سازشوں پر پریشان اور تنگ دل نہ ہو (َلَا تَكُ فِىْ ضَيْقٍ مِّمَّا يَمْكُـرُوْنَ) یہ سازشیں جس قدر بھی گہری، وسیع اور خطرناک ہوں تمھارا راستہ نہین روک سکتیں تم یہ خیال کرو ہمارا دائرہ تنگ ہوگیا ہے اور ہم ان سازشوں میں گھر چکے ہیں کیونکہ تمھارا سہارا خدا ہے تم ایمان و استقامت کی قوت سے عقل و دانش سے ان سازشوں کو ناکام کرسکتے ہو۔ --------------- 9) ارشاد ہوتا ہے: اللہ ان لوگوں کے ساتھ ہے کہ جو تقوی اختیار کرتے ہیں (اِنَّ اللّـٰهَ مَعَ الَّـذِيْنَ اتَّقَوا)۔ ’’تقویٰ‘‘ یہاں تمام جہات سے اور وسیع مفہوم میں ہے یہاں تک کہ دشمنوں کے مقابلے میں بھی تقوٰی۔۔۔۔۔۔۔۔۔۔۔۔۔۔۔ یعنی اپنے دشمنوں کے ساتھ اسلامی اصولوں کی پاسداری کے ساتھ برتاؤ کرنا۔ قیدیوں کے ساتھ اسلامی طرزِ عمل اختیار کرنا، کج رو اور منحرف افراد کے ساتھ انصاف اور ادب کے اصولوں کا لحاظ رکھنا اور جھوٹ اور تہمت سے پرہیز کرنا۔ یہاں تک کہ دورانِ جنگ بھی اسلامی اصولوں پر عمل کرنا، تقوی اور اسلامی قوانین کا پاس کرنا۔ جنگ کے دوران میں نہتے اور دفاع نہ کر سکنے والے افراد پر حملہ نہ کرنا، بچوں اور کمزور بوڑھوں سے تعرض نہ کرنا۔ چوپایوں کو ہلاک نہ کرنا، فصلوں کو تباہ نہ کرنا اور دشمن پر پانی بند نہ کرنا وغیرہ۔ مختصر یہ کہ دوست اور دشمن دونوں کے ساتھ تقوی کی بنیاد پرسلوک کرنا چاہیے (البتہ بہت کم استثنائی مواقع ایسے ہیں جو اس حکم سے خارج ہیں)۔ 10) اور اللہ نے لوگوں کے ساتھ ہے جو نیکوکار ہیں (وَّالَّـذِيْنَ هُـمْ مُّحْسِنُـوْنَ)۔ جیسا کہ قرآن نے اپنی دیگر بہت سی آیات میں بھی کہا ہے بعض اوقات بدی کا جواب نیکی سے دینا چاہیے اور اس طریقے سے دشمن کو شرمسار کرنا چاہیے کیونکہ یہ طریقہ ان دشمنوں کو کہ جن کا سینہ دشمنی سے پر ہو اور ’’الو الخصام‘‘ کو مہربان اور مخلص دوست میں تبدیل کر دیتا ہے۔ احسان اور نیکی اگر بر محل اور برموقع ہو تو یہ جنگ کا ایک عمدہ طریقہ ہے تاریخ ِ اسلام میں اس حکمتِ عملی کے بہت سے مظاہر دکھائی دیتے ہیں فتح مکہ کے بعد رسول اللہ ﷺ نے جو سلوک مشرکینِ مکہ کے ساتھ کیا، جوطرزِ عمل آپ ﷺ نے حضرت حمزہ رضی اللہ عنہ کے قاتل ’’وحشی‘‘ سے روا رکھا جو مہربانی آپ ﷺ نے بدر کے قیدیوں پر کی اور جو سلوک آپ نے ان یہودیوں کے ساتھ کیا جنہوں نے آپ ﷺ کو طرح طرح کی اذیتیں پہنچائی تھیں وہ سب اس کردار کے مظاہر ہیں۔ ایسے ہی بہت سے واقعات حضرت علی علیہ السلام اور دیگر آئمہ ہدٰی علیھم السلام کی زندگی میں دکھائی دیتے ہیں ان واقعات سے اس اسلامی حکم کی وضاحت ہوتی ہے۔ نہج البلاغہ کا ایک مشہور خطبہ ہے جسے خطبہ ہمام کہا جاتا ہے۔ ہمام ایک عابد و زاہد اور دانا شخص تھا۔ اس نے امیر المؤمنین حضرت علی علیہ السلام سے پرہیزگاروں کی صفات کے بارے میں ایک جامع حکم کا تقاضا کیا تو امام نے صرف یہ آیت تلاوت فرمائی اور کہا: اتق اللہ واحسن ان اللہ مع الذین اتقوا والذین ھم محسنون تقوٰیٓ الٰہی اختیار کرو اور نیکی کرو کیونکہ اللہ ان لوگوں کے ساتھ جو پرہیز گار اور نیکوکار ہیں۔ اگرچہ اس عاشقِ حق سائل کی پیاس اس مختصر سے جواب سے نہ بجھی اور پھر تقاضا کیا تو نا چار امام علیہ السلام نے وضاحت سے جواب دیا اور پرہیزگاروں کی صفات کے بارے میں نہایت جامع خطبہ دیا۔ اس میں پرہیز گاروں کی سو سے زیادہ صفات بیان کی گئی ہیں۔ تاہم امام کے پہلے مختصر جواب سے معلوم ہوتا ہے کہ یہ آیت دراصل پرہیزگاروں کی صفات کا اجمال ہے گویا یہ پرزہیزگاروں کی کتابِ صفات کی فہرست ہے۔ یہ دس چیزیں مخالفین کے ساتھ طرزِ عمل کے اتمام اصلی اور فرعی خطوط واضح کر دیتی ہیں ان میں غوروفکر کرنے سے واضح ہوتا ہے کہ ان میں تمام منطقی، احساساتی اور نفسیاتی طریقے اختیار کرنے کو کہا گیا ہے کہ جو مخالفین پر اثر انداز ہو سکیں۔ اس کے باوجود اسلام ہر گز یہ نہیں کہتا کہ صرف منطق و استدلال پر قناعت کرو بلکہ اسلام بہت سے مواقع پر ضروری قرار دیتا ہے کہ دشمنوں کی سازشوں کے مقابلے میں ہم میدانِ عمل میں نکلیں اور ان کی سختی کے جواب میں ضرورت کی صورت میں سختی سے جواب دیں اور ان کی سازشوں کو باطل کرنے کے لیے ان کا کوئی تو مد رسد باب کریں البتہ اس مرحلے میں بھی عدالت، تقویٰ اور اسلامی اخلاق کا اصول فراموش نہ کیا جئے۔ اگر مسلمان اپنے مخالفین کے مقابلے میں اس ہمہ گیر طریقہ کار کا اختیار کرتے تو شاید آج اسلام ساری دنیا یا اس کے زیادہ تر حصے پر چھایا ہوا ہوتا۔

[Pooya/Ali Commentary 16:126] Aqa Mahdi Puya says: In strictest equity the Quran allows those who have been wronged or oppressed to pay back in the same coin but the sufferer is not entitled to give a worse blow than is given to him. But those who have reached a higher spiritual level do not even do that. They restrain themselves, and are patient, and they forgive for the sake of Allah and in the way of Allah.